Talebanët u treguan të prerë kur thanë se nuk do të lejojnë një shtyrje të afatit të evakuimit. Ishte vetë President i SHBA, Joe Biden që vendosi 31 gushtin si afatin e fundit për evakuime, teksa zëdhënësi i talebanëve, Suhail Shaheen deklaroi se kjo është vijë e kuqe që duhet respektuar.
Zëdhënësi i talebanëve paralajmëroi pasoja për SHBA dhe Britaninë e Madhe, në rast se ky afat shkelet, pasi kërkojnë që me hyrjen e shtatorit të mos ketë më asnjë forcë perëndimore në Afganistan.
Gjithsesi Biden e pranoi se po bisedon me talebanët për zgjatje të afatit, por ai shpreson se nuk do të duhet diçka e tillë. Ndërkohë në aeroportin e Kabulit situata vijon të jetë kaotike, ku ditën e sotme pas një përplasje me arme, u vra një roje afgan dhe u plagosën tre të tjerë.
Më parë janë vrarë edhe 20 persona në tentativë për t’u larguar me avion apo gjatë përleshjeve me armë në aeroport.
