Manchester United nuk shkoi më shumë se një barazim 2 me 2 në duelin e prapambetur të Kampionatit Anglez të Futbollit përballë Leeds United duke lënë kështu pikë të rëndësishme për sa i përket garës për titullin kampion.
Trajneri holandez i “djajve të kuq”, Eric Ten Haag u shfaq mjaft i zhgënjyer për startin e ndeshjes, teksa nuk ngurroi të bëjë komplimente edhe për sulmuesin anglez Jadon Sancho.
“Jam i kënaqur dhe i zhgënjyer në të njëjtën kohë. Nuk mund ta nisnim ndeshjen aq lehtë, aq më tepër në një derbi shumë të ndjerë. Më pas jam shumë i kënaqur me reagimin, pasi dominuam , shënuam dy gola dhe mund të kishim fituar. Më vjen mirë për Sanchon, që është rikuperuar dhe po gjen formën më të mirë. E dimë që është një lojtar i shkëlqyer dhe tani presim ta tregojë në fushë”, u shpreh Ten Haag.
Klubi 3 herë kampion i Europës do të ketë mundësi të hakmerret ndaj këtij kundështari duke parë që të dielën të dy klubet do të ndeshen në Elland Road për javën e 23-të të kampionatit.
Discussion about this post