Oligarkët që kanë mbështetje të drejtpërdrejtë nga qeveria nuk kursehen të marrin edhe qindarkat nga prokurimet e buxhetit të shtetit. Një ndër ta është Endri Meksi, djali i djali i ish-kryeministrit Aleksandër Meksi.
Gjithmonë ai është mësuar të marrë tenderë me vlera të majme nga qeveria, por këtë herë nuk ka ngurruar të fus duart në tenderin e vogël me vlerë 14 milionë lekë. Bëhet fjalë për prokurimin me objekt “Shërbim instalime dhe ofrim interneti, i hapur” nga Universiteti Bujqësor i Tiranës.
Tenderi është mbyllur në fund të gushtit dhe është publikuar me datë 7 shtator 2023, ku shihen dhe një sërë shkeljesh e abuzimesh. Shohim se fondi limit për këtë tender është në shifrat 1,166,666 lekë të reja (pa TVSH).
Ndërkohë vëmë re se vetëm dy firma kanë shfaqur interes për këtë tender. MCN NETWORKING ka paraqitur ofertën me vlerë 12 milionë lekë (pa TVSH) ose 14 milionë lekë me TVSH, ndërsa firma tjetër “One Albania” si për çudi ka paraqitur një ofertë me fond zero lekë.
Në fakt nuk është edhe aq çudi, sepse këto marifete përdoren shpesh mes oligarkëve për t’i hapur rrugën e përfitimit të fondeve për njëri tjetrin. Në terminologjinë e Kontrollit të Shtetit ky veprim quhet “marrëveshje” mes pjesëmarrësve në garë. Duke qenë se edhe ONE është më e fuqishme dhe e mbrojtur nga AKEP, lihet të kuptohet se këtë herë kompania i ka hapur rrugë Endri Meksit.
Dhe kështu në mungesë të një konkurrence (formale) firma e Meksit është shpallur fituese.
Nga ana tjetër kjo vlerë rezulton të jetë sa 87% e fondit limit, Ku Meksi mund të kishte dhënë edhe një ofertë më të lartë, por i është “dhimbsur” Universiteti. Shpresojmë që interneti në Universitet të funksionojë, sepse ky gjithnjë një shërbim i dobët për studentët.
Kështu Endri Meksi po përfiton në shkelje çdo kacidhe të buxhetit të shtetit, sigurisht falë miqve që i ka lënë babai në çdo institucion.
Meksi ka qenë në pushtet gjatë kohës kur vendi drejtohej nga Partia Demokratike. Ai mbahet mend si arkitekti i ekonomisë së firmave piramidale që zhdukën kursimet e miliona shqiptarëve dhe futën vendin në kaos. Djemtë e tij trashëguan, biznese, pallate, troje, media dhe sigurisht para pa fund.
Pavarësisht se është i djathtë, Meksi ka përfituar shumë para dhe benefite nga “Rilindja” nëpërmjet kompanisë në pronësi të tij, “MC Networking” ose shkurt “MCN”.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post