I rradhës që do të dërgohët në regjimin e posaçëm “41-biss” është Arbër Çekaj. ”Pas Aleksandër Llanajt, Fatmir Pjetrit dhe Redjan Rrajës, sot është marrë vendimi edhe për Arbër Çekaj, i dënuar për 613 kg kokainë, që u kap në portin e Durrësit do të vendoset në izolim me kërkesë të SPAK dhe miratim të ministrisë së Drejtësisë.
Gjithashtu në regjimin e posaçëm ndohen dhe emra të tjerë mjaft të njohur për drejtësinë shqiptare si, Arbjon Aliko, Genci Balla, Emiljano Shullazi, Blerim Shullazi, Gilmando Dani, Endrit Zela, Endrit Qyqje.
Pronari i kontejnerit me banane e kapur me 613 kg kokainë në Portin e Durrësit është dënuar nga Apeli i GJKKO-së me me 14 vite burg. Çekaj u dënua me 21 vite burg, por përfitoi ulje nga gjykimi i shkurtuar, ndaj dhe pas hekurave do të qëndrojë 14 vite. Çekaj është dënuar si pjesë e grupit kriminal të trafikut të kokainës pasi iu kap sasia prej 613 kg kokainë në vitin 2018, pasi iu kap droga në dyshemenë e konteinerit me banane. Deri më tani ai i ka mohuar akuzat, duke pretenduar se pas tij fshihen emra të tjerë.
Arbër Cekaj sëbashku me Fatmir Pjetrin, tentuan të arratiseshin nga burgu 313 në Tiranë.
Çarçafë të bërë gërshetë, dhe një çengel hekuri, ishin mjetet me të cilat tentuan që të arratiseshin. Sipas njoftimit zyrtar të Policisë së Burgjeve, Arbër Çekaj dhe Fatmir Pjetri (një prej anëtarëve të bandës së Babagjushëve) organizuan në bashkëpunim me njëri-tjetrin, tentativën e arratisjes. Ata shfrytëzuan situatën e stisur nga një i paraburgosur tjetër, i cili ka tërhequr vëmendjen e forcave të sigurisë duke prerë damarët e dorës.
Konkretisht, në thelb regjimi “41-bis” konsiston në pengimin e komunikimit të të burgosurve me njerëzit jashtë, që ka në fokus pengimin e komunikimit të bosëve të mafies me organizatat kriminale. Po ashtu, këtyre personave të dënuar, u lejohet të kryejnë vetëm një takim në muaj me familjarët, me të cilët nuk u lejohet kontakti fizik, ndërsa çdo bisedë mes tyre është e regjistruar.
Të burgosurit kanë mundësinë e një telefonate 10 minutëshe në muaj, edhe ajo e regjistruar. Çdo korrespondencë me jashtë do të jetë e kontrolluar. Të burgosurit i ndalohet çdo objekt personal në qeli, si stilolaps, blloqe apo lekë. Të burgosurit janë aq të vëzhguar sa është e pamundur të komunikojnë mes të dënuarve, të gatuajnë, të shkëmbejnë objekte dhe janë grupe sociale të ndryshme të dënuarish.
Discussion about this post