Tentoi të vriste me thikë një 37-vjeçar pas konfliktit të çastit, arrestohet autori në Cërrik

Një 24-vjeçar me iniciale U. Ll., është arrestuar në Cërrik pasi gjatë një konflikti të çastit, tentoi të vriste me thikë një 37-vjeçar.

Policia ka proceduar në gjendje të lirë të plagosurin, i cili është jashtë rrezikut për jetën, pasi mbante në automjet, 1 shkop bejsbolli.

Është sekuestruar mjeti prerës, si dhe shkopi i besjbollit dhe automjeti i 37-vjeçarit.

“Menjëherë pas njoftimit për një plagosje me mjet prerës, në fshatin Gjyralë, shërbimet e Komisariatit të Policisë Cërrik kanë organizuar punën dhe kanë shkuar në vendngjarje, për të kapur autorin dhe për të sqaruar rrethanat e rastit.

Si rezultat i ndërhyrjes së shpejtë dhe veprimeve policore profesionale, u kap dhe u vu në pranga, menjëherë pas ngjarjes, autori i dyshuar i rastit, shtetasi U. Ll., 24 vjeç, banues në Cërrik. Ai dyshohet se gjatë një konflikti të çastit, për motive të dobëta, ka tentuar të vrasë me mjet prerës (thikë), shtetasin S. Rr., 37 vjeç. I plagosuri është aktualisht në kujdesin e mjekëve dhe jashtë rrezikut për jetën.”- njofton policia.

Materialet procedurale iu referuan Prokurorisë së Elbasanit, për veprime të mëtejshme.