Janë lënë në burg, Bedri dhe Albert Vodhan të cilët u kapën në flagrancë duke i marrë një biznesmeni përmes mashtrimit një shumë prej 100.000 euro.
Gjykata e Tiranës la caktuar masën e sigurisë “arrest me burg” për baba e bir për kryerjen e veprës penale të “Mashtrim”.
Skema e mashtrimit ishte planifikuar nga shtetasi Florian Gjergji, i cili është shpallur në kërkim. Ky i fundit iu prezantua biznesmenit si zyrtar i lartë duke i kërkuar shumën e parave.
Sipas policisë, këta tre shtetas janë autorë edhe të një rasti tjetër të ngjashëm, të ndodhur në muajin mars të këtij viti, në Tiranë. Gjatë aksionit u sekuestruan 70 000 euro, 2 automjete, 5 celularë, 3 karta SIM, 1 laptop, 2 USB dhe 1 tablet.
Vendimi Gjykatës
1 -Vlerësimin si të ligjshëm të arrestit në flagrancë të personit nën hetim B. V.
2 -Caktimin si masë sigurimi personal ndaj personit nën hetim B. V., “arrest në burg”, parashikuar nga neni 238 i K.Pr.Penale, lidhur me hetimet për kryerjen e veprës penale të “Mashtrim”, parashikuar nga neni 143/3 i Kodit Penal.
3 -Vlerësimin si të ligjshëm të arrestit në flagrancë të personit nën hetim A. V.
4 -Caktimin si masë sigurimi personal ndaj personit nën hetim A. V., “arrest në burg”, parashikuar nga neni 238 i K.Pr.Penale, lidhur me hetimet për kryerjen e veprës penale të “Mashtrim” parashikuar nga neni 143/3 i Kodit Penal.
5 -Ngarkohet Policia Gjyqësore për ndjekjen dhe zbatimin e këtij vendimi.
6 -Shpenzimet proçeduriale sië janë bërë.
7 -Kundër këtij vendimi lejohet ankim brenda 5 ditëve nga marrja dijeni në Gjykatën e Apelit të Juridiksionit të Përgjithshëm Tiranë.
Discussion about this post