Një ngjarje e tmerrshme i ka ndodhur një prej yjeve të Premier League, i cili është sulmuar barbarisht, është lidhur bashkë me të dashurën dhe është grabitur në shtëpinë e tij.
Futbollisti, emri i të cilit nuk bëhet publik u grabit nga një grup personash të maskuar, të cilët morën prej tij rreth 1.5 milionë panud.
Ai u tërhoq zvarrë rreth rezidencës së tij të izoluar nga katër burrat, të cilët u futën nga një derë xhami. Ngjarja mendohet të ketë ndodhur në kohën kur lojtari ishte duke ndjekur një ndeshje në televizor, teksa partnerja e tij ishte në banjë raporton ‘Sun Sport’. Grabitësit morën prej shtëpisë së lojtarit orë, stoli si dhe sende elektronike.
Një burim i tha SunSportit: “Është makthi më i keq i të gjithëve. Ai ishte mjaft i guximshëm dhe bëri më të mirën, por ata ishin të shumtë në numër dhe ata ishin goxha agresivë. Lojtari ka një jetë mesatare jashtë fushës, kështu që ai ishte i shokuar që ishte në shënjestër. Ai nuk shfaq pasurinë e tij dhe i pëlqen të jetë sa më i thjeshtë të jetë e mundur.”
Ende nuk dihet se kush ishte arsyeja e këtij sulmi, përtej grabitjes, por që lojtari ka mbetur i traumatizuar./K.T/Gijotina.com
