Tashmë Carlo Ancelotti po përgatit me imtësi ndeshjen e ditës së premte, ndaj Celta de Vigo, shumë e rëndësishme për vazhdimësinë në kampionat. Përveç kësaj, atij i pëlqen të shtojë një “kontakt afërsie” me disa lojtarë që mund të kenë “hatërmbetje” me minutat në dispozicion.
Një nga futbollistët që tërheq më shumë vëmendjen e Carlo Ancelottit është Kepa Arrizabalaga. Portieri i Chelseat, i huazuar nga për sezonin 2023/24, është gjithnjë e më afër debutimit me fanellën e Real Madridit.
Gjithçka tregon se ai do të luajë titullar në ndeshjen e radhës ndaj Celta de Vigos, vendim që edhe vetë ‘numri 25’ e ka marrë vesh pas bisedës me Carletton.
Trajneri nga Reggiolo i tha pas seancës përgatitore për ndeshjen në ABANCA Balaídos, se do të startojë ai të premten. Për të vlerësuar se si po kalon, Ancelotti ka zhvilluar një bisedë të rëndësishme me Kepën për të mësuar mbi gjendjen e tij fizike dhe mendore, ndjenjat e tij para ndeshjes së së premtes më 25 gusht dhe nëse është nën ndonjë lloj presioni.
Nga ardhja e tij u bë e qartë se kjo lëvizje ishte një nga transfertat e ëndërruara nga portieri bask. Edhe pse ai e di se koha e tij në Santiago Bernabeu ka një afat shumë të shkurtër, fjalët e tij nuk shprehën gëzim të veçantë për faktin e një huazimi prej vetëm një viti. Përtej faktit se ai dëshiron të qëndrojë në disiplinën e bardhë, biseda e tij me Carlo Ancelottin ka qenë e frytshme.
Kepa ka treguar se nuk ndjen asnjë presion në prag të debutimit të tij me fanellën e Real Madridit. Ai është në gjendje perfekte fizike dhe mendore. Ai është gati dhe pret me padurim ndeshjen për t’u hedhur në fushë dhe për të treguar se mund vlen aq sa Thibaut Courtois, megjithëse sot është e pamundur të arrish nivelin e ‘numrit 1’ belg.
Konkluzionet që ka nxjerrë Carlo Ancelotti nga biseda e tij me Kepën në Valdebebas e bëjnë atë më të qetë: ai e di që po e lë në duar të mira portën e Real Madridit dhe se mund të gjejë portierin e ri titullar për “Los Blancos”, të paktën për këtë sezon. Mentaliteti i mirë i Kepës do të jetë thelbësor që ai të ketë sukses në klubin e bardhë.
TË GRUMBULLUARIT NGA REAL MADRID PËR TAKIMIN NDAJ CELTAS:
Portierë: Lunin, Kepa, Diego Piñeiro.
Mbrojtës: Carvajal, Alaba, Nacho, Odriozola, Lucas V., Fran García, Rüdiger.
Mesfushorët: Bellingham, Kroos, Modrić, Camavinga, Valverde, Tchouameni, Nico Paz.
Sulmues: Vini Jr., Rodrygo, Joselu. Brahim.
Discussion about this post