Tirana merr pikët e para në Superiore me ‘poker’ ndaj Vorës

Tirana ka marrë tre pikët e para për këtë kampionat, duke mposhtur me lehtësi Vorën me shifrat 4-0.

Vorakët e drejtuar nga Arjan Bellaj, kanë lënë shumë për të dëshiruar që në startin e sfidës, duke lënë hapësira të pazakonta për të dhe duke ia bërë të thjeshtë bardhebluve që të shënonin me kundërsulme dy herë me Kish dhe Xhixhën në pjesën e parë.

Në fraksionin e dytë të lojës, trajneri Bellaj largoi edhe disa nga lojtarët kryesorë nga fusha, duke ia bërë edhe më të thjeshtë bardhebluve të Klafuriç, të cilët gjetën golin edhe dy herë të tjera me Hazrollajn, për të vulosur një fitore 4-0 shumë më të thjeshtë se sa mendohej.