Një tjetër zyrë e Partisë Socialiste, e paidentifikuar me logo apo shenja zyrtare, është zbuluar në Rrugën “Besim Alla” në Tiranë. Sipas burimeve nga vendngjarja, në ambientin në fjalë qëndrojnë disa të rinj, të cilët thuhet se kontaktojnë qytetarë të ndryshëm, ndërkohë që qëllimi i veprimtarisë së tyre mbetet ende i paqartë.
Banorë të zonës kanë njoftuar autoritetet për praninë e dyshimtë të kësaj zyre, por deri në këto momente, policia nuk ka ndërhyrë dhe nuk është paraqitur në vendngjarje. Mungesa e reagimit nga organet ligjzbatuese ka ngritur pikëpyetje mbi mënyrën si trajtohen raste të tilla, veçanërisht në një kohë kur pritet transparencë dhe rregull në fushatat elektorale apo aktivitetet politike.
Rasti shton shqetësimet për praninë e zyrave jozyrtare të forcave politike në qytet dhe kërkon hetim të menjëhershëm për të sqaruar ligjshmërinë e aktivitetit që zhvillohet në to.
Discussion about this post