Tjetër vrasje në Kamëz, vritet 31-vjeçarja në oborrin e shtëpisë

Në qytetin e Kamzës, policia ka bërë me dije se është vrarë me armë zjarri në rrethana ende të paqarta shtetasja Etleva Kurti, 31 vjeçe. Grupi hetimor ka nisur menjëherë hetimet për zbardhjen  e ngjarjes.

Njoftimi i policisë:

“Ndërkohë, në Kamzë, në rrugën “Besëlidhja”, në rrethana ende të paqarta, në oborrin e banesës, është vrarë me armë zjarri shtetasja Etleva Kurti, 31 vjeçe. Shërbimet e Policisë kanë shkuar menjëherë në vendngjarje dhe është ngritur një grup i posaçëm hetimor që po punon për identifikimin e autorit/ëve të dyshuar. Informacion me të detajuar do të japim në vijim.”