Në takim me qytetarët në Shkodër, ish-kreu i PD, Sali Berisha ka përmendur ditën e sotme edhe Tom Doshin. Ai tha se në të vërtet, ky i fundit nuk është i të njëjtit nivel të së keqes si kryeministri Edi Rama. Ai ironizoi pretendimet se Doshi nuk ka lidhje me Partinë Socialiste duke thënë se është njësoj sikur të thuhet se ka eskimezë në shkretëtirë. Sipas tij, duket qartë që Doshi nuk është larguar kurrë as nga politika as nga PS.
“Të pretendosh se Tom Doshi nuk është pjesë e PS-së është njëlloj si të pretendosh që janë gjetur eskimezë në shkretëtirë. Edi Rama, kur pati sherr Doshi me Metën, thirri ambasadorët dhe tha ky po kalon tek opozita. Është e vërtetë që Doshi ka një parti të tij, por nuk ia ka kursyer kurrë votën Edi Ramës. Ai është një mekanizëm që Rama i garantoi atij hyrjen në parlament. Por them prapë që Toma është lule me atë që është Rama”, tha ai.
Berisha deklaroi se Rama sillet sikur i ka larguar të inkriminuarit nga PS, por në fakt ata japin komanda dhe ndikojnë nga larg.
Discussion about this post