Një tragjedi e rëndë ka ndodhur në fshatin Domen të Shkodrës, ku 24-vjeçares Bleona Çobaj dhe dy fëmijët esaj, të moshës 18 muajsh dhe 3 vjeç, kanë humbur jetën nga shpërthimi i dyshuar i një bombule artizanale gazi pranë një shtëpie të vjetër në pronësi të familjers.
Ngjarja ndodhi në lagjen Plisht të fshatit Domen, në njësinë administrative Postribe. Sipas burimeve, familja ishte kthyer nga Gjermania më 15 korrik dhe ishte strehuar në shtëpinë e tyre në Golem të Shkodrës. Banesa ku ndodhi tragjedia është shtëpia e vjetër e prindërve të 24-vjeçares, ku ajo kishte shkuar bashkë me dy fëmijët, burrin dhe vjehrrin për ta pastruar dhe sistemuar, ndonëse ajo ishte e pabanueshme
Mësohet se familja kishte qëndruar në fshatin Golem dhe dy ditë më parë kishte nisur pastrimin e banesës në Domen. Edhe ditën e sotme ata kishin shkuar sërish atje por babai i 24-vjeçares dhe bashkëshorti i viktimës, janë larguar drejt qendrës së fshatit, ndërsa Bleona Çelaj ka mbetur në banesë me dy fëmijët.
Dyshimet paraprake të grupit hetimor janë se tragjedia në fshatin Domen të Shkodrës mund të jetë shkaktuar nga shpërthimi i një bombule artizanale. 24-vjeçarja Bleona Çelaj dhe dy fëmijët e saj ndodheshin në oborrin e banesës në momentin e shpërthimit, aty ku janë konstatuar edhe gjurmët e flakëve.
Rrethanat e plota të ngjarjes mbeten ende të paqarta, ndërsa autoritetet vijojnë hetimet për të zbardhur shkakun e zjarrit.
Informacioni paraprak i Policisë
“Rreth orës 13:10, në fshatin Domen, Shkoder, ka rënë zjarr dhe është djegur banesa në pronësi të shtetasit B. Ç. Shërbimet e Policisë dhe punonjësit e shërbimit zjarrfikës, pas marrjes së njoftimit, kanë shkuar në vendngjarje.
Nga veprimet e para dyshohet se, si pasojë e zjarrit, kanë humbur jetën shtetasja B. Ç., 24 vjeçe, dhe dy fëmijë të mitur, përkatësisht 3 vjeç dhe 1 vjeç e gjysmë. Grupi hetimor, nën drejtimin e Prokurorisë, po punon për përcaktimin e shkakut të rënies së zjarrit dhe dokumentimin e plotë të rrethanave të ngjarjes”.
gijotina.com/
Discussion about this post