Prokurori Federal në Federatën Italiane të Futbollit ka hapur një hetim për 62 transferta të dyshimta në Serinë A, duke studiuar marrëveshjet e këmbimit dhe fitimet kapitale për shkak të vlerësimeve ndoshta të fryra.
‘La Repubblica’ dhe ‘Il Tempo’ pretendojnë se një skandal i ri i mundshëm transferimi ka mbërritur në tryezën e prokurorit federal Giuseppe Chine.
Këto media raportojnë se COVISOC, Komisioni Mbikëqyrës për klubet e Serisë A i dërgoi një raport të detajuar Prokurorit dhe Presidentit të Federatës Italiane të Futbollit, Gabriele Gravina, duke u kërkuar atyre që të shqyrtojnë çështjen.
Mbikëqyrësi pretendon se disa biznese mund të kenë pasur ndikim të rëndësishëm në llogaritë e klubeve të ndryshme në ligën e parë.
Napoli përmendet për aferën Victor Osimhen, pasi katër lojtarë u transferuan në LOSC Lille për një vlerë totale prej 20 milionë euro dhe dy prej tyre tani janë në Serinë D, një në Serinë C dhe i katërti ka mbetur në Francë pa luajtur.
Juventusi ka 42 transferime në listë, me 21 lojtarë të shkëmbyer për një total prej 90 milionë eurosh, por paratë që ndryshuan në fakt ishin pak më shumë se 3 milionë euro.
Rasti tani është në Prokurorinë e FIGC-së, e cila ende nuk ka hapur ndonjë procedurë. Por prokurori federal Chine po studion dokumentet dhe nuk përjashtohet që një çështje të hapet në të ardhmen.
Vitin e kaluar, një skandal i ngjashëm goditi Serinë B në Itali, dhe përfundimisht rezultoi në pikë të bllokuara për Cesena dhe Chievo Verona, dy klube që më vonë falimentuan./K.T/Gijotina.com
