Sebastian Giovinco zbulon se Lorenzo Insigne pritet në Toronto në mars, por paralajmëron sulmuesin e Napolit se do të humbasë.
Giovinco kaloi katër vjet në Toronto FC, duke shënuar 83 gola në 142 paraqitje dhe duke fituar MLS në 2017. Ai u transferua në Kanada në janar 2015 nga Juventusi.
Ylli i Napolit, Lorenzo Insigne tani pritet të kalojë në MLS si lojtar i lirë në fund të sezonit.
Toronto FC ka bërë një ofertë të madhe për të siguruar nënshkrimin e tij dhe sipas ‘SportMediaset’, marrëveshja ka përfunduar dhe Insigne do të transferohet në klubin e tij të ri në fund të sezonit.
“Këtu [në Kanada], ata janë të bindur se marrëveshja është kryer”,- tha Giovinco për ‘Il Corriere dello Sport’.
“Ata presin që ai të arrijë në mars, por mua më duket e çuditshme. Insigne është kapiteni i Napolit dhe nuk mendoj se do të largohet nga klubi i tij në mes të garës për titull”.
Çfarë duhet të presë Insigne nëse i bashkohet Torontos?
“Varet nga ajo që dëshiron,” tha Giovinco.
“U ndjeva mirë në nivel njerëzor, në një qytet ku është e lehtë të jetosh. Profesionalisht, duhet të keni parasysh se mund të humbisni. Kam humbur kombëtaren dhe shikueshmërinë. Nëse jeni të hapur për t’i lënë këto gjëra pas, atëherë është një përvojë që ua sugjeroj të gjithëve. Toronto është një qytet i mrekullueshëm në një vend të bukur. Ka një komunitet të madh italian dhe liri për të shkuar kudo që të duash pa u shqetësuar. Kur mbërrita në vitin 2015, më premtuan para që nuk ishin aty, por nuk dua t’i diskutoj këto detaje. Nuk jam penduar për zgjedhjen time. Kam pasur më shumë gola dhe asistime sesa ndeshje. Bëra mirë edhe nëse nuk ishte e dobishme.”-theksoi Giovinco.
Aktualisht ai është lojtar i lirë pas përfundimit të kontratës së tij me Al-Hilal në gusht 2021. Ndërsa rikujtojmë që ka luajtur 23 ndeshje me Italinë, e fundit në nëntor 2014, vetëm pak javë para se të bashkohej me Toronto FC./K.T/Gijotina.com
Discussion about this post