Dy shtetas turq kanë rënë në prangat e policisë, pasi akuzohen se trafikonin lëndë narkotike të llojit kanabissativa përmes Aeroportit të Rinasit. Lajmin e ka bërë të ditur vetë policia, përmes një njoftimi, ku thuhet se për këtë rast po zhvillohen hetime të thelluara së bashku me partnerët turq.
Gjithashtu bëhet me dije se po punohet për të zbuluar dhe çuar para drejtësisë të gjithë autorët e trafikimit të lëndëve narkotike që kanë operuar nga Aeroporti Nënë Tereza.
Njoftimi nga Policia e Shtetit:
Policia e Shtetit, në bashkëpunim me partnerët turq, po zhvillon hetime të thelluara për trafikimin e lëndës narkotike cannabis sativa, nëpërmjet aeroportit të Rinasit.
Si rezultat i informacioneve të marra, janë arrestuar 2 shtetas turq të cilët transportonin lëndë të dyshuar narkotike cannabis sativa nga aeroporti i Rinasit në drejtim të aeroportit të Stambollit.
Policia e Shtetit, në bashkëpunim me partnerët turq dhe agjencitë ligjzbatuese shqiptare dhe ato turke, po vijon hetimin e thelluar, për të identifikuar dhe për të vënë përpara përgjegjësisë të gjithë autorët e trafikimit të lëndëve narkotike.
Janë marrë masa konkrete për të koordinuar punën me autoritetin doganor dhe TIA, në drejtim të kontrollit të përbashkët, me qëllim parandalimin e trafiqeve të paligjshme nga aeroporti i Rinasit.
Discussion about this post