Qindra qytetarë u mblodhën këtë të mërkurë në sheshin “Skënderbej”, në ditën e 40-të të protestës kundër qeverisë, duke përsëritur kërkesën për dorëheqjen e kryeministrit Edi Rama.
Protestuesit nisën grumbullimin në qendër të kryeqytetit, ndërsa më pas marshuan drejt godinës së Kryeministrisë, ku u zhvilluan fjalime dhe u përsëritën thirrjet kundër qeverisë.
Organizatorët deklaruan se protesta do të vijojë deri në përmbushjen e kërkesave të tyre, me në krye dorëheqjen e kryeministrit.
Lëvizja protestuese, e cila nisi si reagim ndaj zhvillimeve në zonën e Zvërnecit, është shndërruar në një mobilizim më të gjerë qytetar me fokus ndryshimet politike dhe institucionale.
Me pankarta në duar dhe flamuj kombëtarë, pjesëmarrësit bënë thirrje për ndryshim, ndërsa në protestë morën pjesë qytetarë të grupmoshave dhe profesioneve të ndryshme, përfshirë studentë, aktivistë, profesionistë, të moshuar, familje me fëmijë, si edhe turistë.
Protestuesit kanë paraqitur pesë kërkesa kryesore, mes të cilave dorëheqjen e panegociueshme të kryeministrit Edi Rama, krijimin e një qeverie teknike dhe ndërmarrjen e ndryshimeve kushtetuese.
Organizatorët kanë bërë të ditur se tubimet do të vazhdojnë edhe në ditët në vijim deri në realizimin e objektivave të shpallura.
gijotina.com/
Discussion about this post