Një rast i pazakontë është shënuar ditën e sotme në plazhin e Fykios, në ishullin Naxos të Greqisë, pasi një turist Italian ka gjetur një çantë ku ishin paketuar dy trupa të pajetë e të dekompozuar. Mediat greke shkruajnë se turisti e ka gjetur çantën këtë pasdite dhe është dërguar në qendrën shëndetësore të Naxos, ku po kryhet ekspertiza.
Por, për shkak se personat që ndodheshin aty kishin kohë që kishin vdekur, është i pamundur identifikimi i tyre për momentin. I vetmi informacion që bëhet me dije është se një prej trupave i përket një burri të rritur, ndërsa tjetri ka përmasa më të vogla në fizik e nuk dihet ende asgjë për të.
“Autoriteti Portual i Naxosit u njoftua mesditën e sotme nga një person privat për ekzistencën e dy trupave në kalbje të avancuar, që notonin në det, në zonën detare të plazhit ¨Fykio¨ Kato Koufonisi . Në vendngjarje ka mbërritur një gomone patrullë e LS-EL.AKT, ku me ndihmën e efektivëve vendas, trupat e pajetë janë nxjerrë në breg dhe më pas janë marrë dhe janë dërguar nga punonjës të Autoritetit Portual përkatës në Spitalin e Përgjithshëm-Qendra Shëndetësore. të Naxosit. Nga gjetjet u konstatua se një trup i përket një personi të rritur, ndërsa i dyti, është me përmasa më të vogla. Autoriteti Portual Naxos, i cili kryen hetimet paraprake, ka urdhëruar kryerjen e një nekropsi në Morgun e Pireut” – thuhet në njoftimin e policisë.
Discussion about this post