Lajme shumë kontradiktore, deri në njëfarë niveli absurde vijnë nga Turqia. Christian Atsu, Mesfushori ishte një nga ata që mbeti nën rrënoja pas tërmetit shkatarrimtar të disa ditëve më parë në Turqi dhe së fundmi qarkulloi me shpejtësi lajmi se ganezi u shpëtua nga operacioni i kërkim shpëtimit. Madje, të gjithë ishin të lumtur pasi lojtari ishte në gjendje optimale dhe nuk kishte marrë dëmtime serioze.
Por, entuziazmin e ka ulur agjenti i furbollistit, Nana Sechere që rikthen gjendjen e alarmit pasi njoftoi në rrjetet sociale se klienti i tij është ende nën rrënoja dhe se vijon puna për ta gjetur.
“Aktualisht gjendem në Stamboll dhe situata nuk ka ndryshuar. Christian Atsu është ende nën rrënoja dhe duhet gjetur. Nga unë nuk do të ketë më të tjera njoftime, derisa të kem një njoftim konkret për Atsu”, u shpreh Sechere.
Kujtojmë se futbollisti 30-vjeçar në të kaluarën është aktivizuar edhe në Premier League teksa ka qenë pjesë e klubeve si Chelsea, Everton dhe Newcastle ndërsa në vitin 2016 ishte pjesë e Malagës në Spanjë.
Discussion about this post