U gjet i dekompozuar brenda banesës së tij në Korçë, identifikohet 75-vjeçari (Emri)

Komisariati i Policisë së Kolonjës ka zbardhur ngjarjen ku më 7 korrik u gjet një kufomë thuajse e dekompozuar në fshatin Mollas. Trupi u zbulua nga një banor i zonës, i cili njoftoi menjëherë autoritetet. Menjëherë pas ngjarjes, policia dërgoi mostra për analizë ADN-je dhe ekspertizë antropologjike, për të bërë të mundur identifikimin e viktimës.

Ditën e sotme është konfirmuar identiteti i kufomës, bëhet fjalë për 75-vjeçarin Islam Fixha nga qyteti i Korçës. Mësohet se në muajin qershor bashkëshortja e tij kishte kallëzuar humbjen e kontakteve me të, duke ngritur dyshimet për një zhdukje të mundshme.

Sipas të dhënave të para nga hetimet dhe analizat mjeko-ligjore, dyshohet se i moshuari vuante nga probleme të kujtesës (sklerozë) dhe ka ndërruar jetë për shkaqe natyrale në zonën ku u gjet.

Policia e Kolonjës vijon punën për dokumentimin e plotë të ngjarjes dhe për të sqaruar çdo rrethanë të mundshme që çoi në vdekjen e tij