Një 20-vjeçar me origjinë shqiptare ka humbur jetën tragjikisht paraditen e djeshme në një aksident automobilistik në Greqi. Viktima është identifikuar si 20-vjeçari Klajdi Kraja.
Ai ishte duke udhëtuar me motor në momentin kur u përplas me dy makina në autostradën e vjetër kombëtare, Patras – Pirgos, konkretisht në lartësinë e Alisos.
Fillimisht Kraja është përplasur me një fuoristradë, e cila ka kaluar në drejtim të kundërt të trafikut dhe më pas është përplasur me një mjet të dytë. Përplasja rezultoi fatale për të riun shqiptar, i cili ndërroi jetë në vend. Të plagosur mbetën edhe dy persona që udhëtonin me makinat. Policia Rrugore e Patrës po kryen hetimet për zbardhjen e plotë të rrethanave të ngjarjes.
Discussion about this post