U plagos me thikë nga bashkëshorti një muaj më parë, ndërron jetë në spital Marjola Myrtollari

Aleko Myrtollari masakroi me thikë bashkëshorten e tij Marjola Mytollari në Korçë. Ai më pas u vetëdorëzua në polici.

46-vjeçari qëlloi partneren 38-vjeçare, e cila u shtrua në gjendje të rëndë në spitalin e Traumës.

Mësohet se sot Marjola Myrtollari ka ndërruar jetë.

Aleko Myrtollari u shpall në kërkim menjëherë pas ngjarjes dhe ishte në arrati.

Çifti kishte tre fëmijë dhe muajin e fundit ishin zhvendosur nga Tirana në Korçë, ku jetonin një apartament me qira.

Mësohet se para se të fillonte sherri, autori kishte larguar 3 fëmijët nga shtëpia. Më pas në debat e sipër, 46-vjeçari ka goditur disa herë me thikë bashkëshorten e tij Marjola Mytollari, e më pas është larguar nga shtëpia.

Fqinjët e çiftit kanë folur për mediat duke thënë se nuk i njihnin personalisht, pasi ata ishin banorë të rinj në lagje. Por ata kanë thënë se Aleko Mytollari konsumonte shpesh alkool dhe ishte parë disa herë në gjendje të dehur.