E bënë të vdekur, “ringjallet” Raiola dhe reagon në Twitter

Mino Raiola ka reaguar në Twitter, pak minuta pasi lajmet për vdekjen e tij kishin bërë xhiron e rrjeteve sociale.

Mediat italiane shkruan se menaxheri i suksesshëm i futbollit ka ndërruar jetë, ndërsa më pas lajmin e përgënjeshtruan nga spitali ku po qëndron i shtrirë 54 vjeçari, i cili po lufton me jetën.

“Jam i mllefosur nga telefonatat e disa pseudo-gazetarëve, që spekulojnë për jetën e një njeriu që po lufton”, ka thënë para pak minutash doktori, Alberto Zangrillo.

Ghitashtu ka reaguar vetë menaxheri italian përmes llogarisë së tij zyrtare në rrjetin social, Twitter.

“Gjendja ime aktuale shëndetësore për ata që janë të interesuar: më kanë bërë të vdekur dy herë brenda katër muajsh. Duket se janë në gjendje edhe të më ringjallin”, ka shkruar Raiola.

Kujtojmë se Raiola është menaxher i yjeve të futbollit si Ibrahimovic, Haaland, Pogba, Verratti, De Ligt, De Vrij, etj.