Në ditët e fundit Universiteti i Tiranës, iu dërgon çdo studenti me mesazh në telefon një formular për të dhënat shëndetësore, për të cilin i urdhëron ta plotësojnë. Por, studentët e revoltuan shprehen se nuk e pranojnë këtë urdhër dhe sipas tyre kjo mënyre është e jashtëligjshme.
Një nga përfaqësuesit e studentëve, Nikolina Qirjazi, pohoi gjatë një interviste televizive se, i ka ardhur formulari i vaksinimit, por nuk do ta plotësojë pasi e konsideron shkelje të privatësisë kërkesën për të paraqitur në të të dhënat e saj mjekësore.
“Nuk kam ndërmend ta plotësoj. Askush nuk është i detyruar. Të dhënat mjekësore janë të dhëna private dhe ne nuk kemi detyrimin t’i japim. Në momentin që formulari plotësohet, statistikat shkojnë te dekanati. Plotësimi bëhet online. Dekanatit nuk i është lejuar më parë. Po vihemi përpara një fakti që dekanati të çojë formularë të këtij lloji, tha ajo.
Sipas Qiriazit, urdhri për vaksinimin e detyrueshëm të studentëve dhe stafit akademik është i paligjshëm dhe diskriminues. “Ky urdhër ka 7 pika. Pika 2 thotë që personeli i institucioneve universitare dhe studentëve duhet të depozitojnë certifikatën apo kartën e vaksinimit. Punonjësit mund të paraqesin edhe testin PCR. Ka keqdashje në këtë urdhër, që personeli ka të drejtën edhe të PCR, ndërkohë studentët që nuk e kanë kartën nuk lejohet të paraqiten dhe të japin PCR. Në këtë urdhër, ne kemi një keqdashje të madhe që kërkohet që studenti t’i lihet pa kryer viti shkollor.
Për më tepër, sipas Qiriazit, detyrimi për vaksinimin nuk justifikohet as shkencërisht dhe tregoi se studentët do të vazhdojnë me protestat.
