Forcat ajrore të Izraelit po bombardojnë “me një ritëm që nuk ka ndodhur në dekada”, tha të premten në mëngjes zëdhënësi i Forcave të Armatosura izraelite, Daniel Hagari.
Sipas Haaretz, Hagari tha gjithashtu se IDF po përgatitej “për fazat e ardhshme të betejës” dhe po ashtu edhe forcat rreth Rripit të Gazës, pa e sqaruar megjithatë saktësisht se çfarë donte të thoshte me këtë.
Ai përsëriti gjithashtu se ka më shumë se 100 të zhdukur nga sulmi i Hamasit dhe se familjet e 306 të vdekurve në radhët e forcave të armatosura izraelite dhe 203 të rrëmbyerve janë informuar.
Me rastin e përgjimit nga një shkatërrues amerikan i një rakete të lëshuar nga territori i Jemenit, Hagari vuri në dukje se mbrojtja ajrore izraelite “është e përgatitur për kërcënime të këtij lloji”.
“Ne do të fitojmë me të gjitha forcat tona” , tha dje Netanyahu – i cili vizitoi ushtarët që janë gati të pushtojnë Gazën – dhe shtoi: “I gjithë kombi i Izraelit qëndron pas jush. Ne do të vazhdojmë të luftojmë si luanë dhe do t’i japim një goditje të rëndë armiqve tanë për të arritur fitoren përfundimtare”.
Në fakt, kryeministri Izraelit ka postuar edhe një video të lidhur në Twitter, të cilën e ka shoqëruar me shprehjen: “Me luftëtarët. Gjithçka gati”.
Ministri i Mbrojtjes i Izraelit: “Së shpejti do ta shihni Gazën nga brenda”
Në kufirin me Gazën dhe pranë ushtarëve u gjet edhe ministri izraelit i Mbrojtjes, Yoav Gallad, i cili u bëri thirrje ushtarëve izraelitë që të jenë gati për pushtimin tokësor të Gaza.
“Ne do të jemi të saktë dhe vdekjeprurës dhe do të vazhdojmë derisa të përfundojmë misionin”, tha ai. “Tani e shihni Gazën nga larg, së shpejti do ta shihni nga brenda. Urdhri do të jepet”, tha ai.
Discussion about this post