Një ditë pasi ka kryekamarieri Gazment Kurmaku ndërroi jetë në Spitalin e Traumës në Tiranë, pasi u qëllua me thikë në kompleksin “Rozafa” në Elbasan nga Erjon Llapusha, janë zbuluar detaje të reja. Mësohet se policia ka marrë në pyetje pronarin e resortit, biznesmenin Gjergj Lula si dhe persona të tjerë që kanë dijeni për ngjarjen.
Policia ka sekuestruar edhe kamerat e sigurisë së lokalit për të vëzhguar dinamikën e ngjarjes ku shkaktoi vdekjen klinike për disa ditë të Gazment Kurmakut.
Në një reagim për vdekjen e kryekamarierit, biznesi i Gjergj Lucës e konsideronte aksidentale, ndërsa burime bëjnë me dije se Llapushi është treguar agresiv. Erjon Llapushi, kishte shkuar si klient në restorant, por 50-vjeçari që ishte në krye të detyrës si shef i kamarierëve e ka njoftuar se tavolina ku ishte ulur ishte e rezervuar. Llapushi ka kundërshtuar dhe debati ka agravuar.
Ai i e ka qëlluar me thikë kryekamarierin e më pas e ka shtyrë duke shkaktuar rënien në tokë të tij. Në këtë moment, Kurmaku përplas kokën dhe humb ndjenjat, gjë e cila pavarësisht përpjekjeve të bluzave të bardha të Traumës, i shkaktoi vdekjen.
Ndërkohë Drejtoria Vendore e Policisë Elbasan po bashkëpunon me atë të Korçës për lokalizimin e autorit për të cilin dyshohet se fshihet në zonën e Pogradecit ku është edhe banues. Erjon Llapushi, rezulton person me precedent të mëparshëm penal pasi dy vite më parë, së bashku me Saimir Frahollin u bënë në mënyrë të dhunshme aksionerë në një kompani private e transportit rrugor.
