Në lidhje me vendimin e Gjykatës së Tiranës për regjistrimin e Eduard Prodanit si drejtues të shoqatës rajonale të futbollit të Tiranës, ka reaguar Federata Shqiptare e Futbollit. Në deklaratën e saj, FSHF thotë se shoqata e Prodanit është e re dhe se nuk ka lidhje me ta.
“Shoqata e re nuk ka lidhje me ne, Shoqata e Prodanit e është re” – thuhet në reagimin e FSHF-së.
Më herët Gjykata e Tiranës, e ndikuar edhe nga kreu i Bashkisë së Tiranës, Erion Veliaj, ka rrëzuar FSHF-në dhe ka regjistruar si drejtues të shoqatës rajonale të kryeqytetit, Eduard Prodanin. Vendimi është marrë ditën e sotme, ku u njoh Asambleja e zhvilluar nga Erion Veliaj, në cilësinë e aksionerit të klubit të Tiranës.
Veliaj paditi për shpërdorim të detyrës, falsifikim të dokumenteve dhe rrjetit kompjuterik drejtuesit e Federatës Shqiptare të Futbollit. Në cilësinë e aksionerit te Klubit të Futbollit Tirana, Veliaj akuzoi Ilir Shulkun, me detyrë Sekretar i Përgjithshëm i Federatë Shqiptare të Futbollit dhe Ardian Haçin, me detyrë Sekretar i Përgjithshëm i Shoqatës Rajonale të Futbollit Tiranë, për manipulim në bashkëpunim zgjedhjet për Kreun e Shoqatës rajonale të futbollit të Tiranës.
Discussion about this post