Vendimi për Berishën, GJKKO shtyn seancën për të shtunën. Seanca për miratimin e masës së sigurisë pritet të mbahet ditën e shtunë, ora 12:00, ndërsa SPAK ka kërkuar “arrest shtëpie” ndaj ish-Kryeministrit.
Shtyrja e seancës është bërë për ti lënë kohë palës mbrojtëse për të paraqitur argumentet lidhur me përjashtimin e gjyqtares Irena Gjoka. Avokati Genc Gjokutaj sqaroi se sot kemi marrë provat që tregojnë njëanshmërinë e gjyqtares Irena Gjoka, për të cilën mbrojtësit ligjorë të ish-Kryeministrit kërkojnë përjashtimin e saj nga gjykimi.
“Kemi paraqitur provat, duke repsketuar afatet ligjore, tani të shikojmë se çfarë do të bëjë GJKKO”, tha Gjokutaj.
Irena Gjoka, referuar deklaratave publike, është shkarkuar në 1996 nga KLD e asaj kohe e drejtuar nga Sali Berisha, i cili mbante postin e Presidentit të Republikës, çka përbën një konflikt interesi për të marrë vendime lidhur me Berishën. Nuk dihet se çfarë provat ka paraqitur Berisha në GJKKO, por avokati Gjokutaj pohoi se janë provat ato që shoqërojnë kërkesën dhe ne duhet të presim vendimin e GJKKO.
“Gjykata e shtyu për në datë 30, të shikojmë nëse do të ketë gjykuar kërkesën për përjashtimin e gjyqtares. Sot kemi marrë provat që do të shoqërojnë kërkesën. Me provat që ne mendojmë që mbështesin kërkesën për përjashtimin e Irena Gjokës. Provat tregojnë njëanshmërinë e gjyqtares”, tha Gjokutaj.
Discussion about this post