Partia Demokratike ka publikuar një video, ku pyeten qytetarë në rrugë nëse duan që t’u bëhet vettingu politikanëve. Sekretari i Përgjithshëm i Partisë Demokratike, Gazment Bardhi, i cili ka publikuar videon, shkruan se qytetarët duan një politikë të pastër.
“Qytetarët duan një politikë të pastër. Qytetarët duan vettingun e politikanëve” – shkruan Bardhi.
Qytetarët në përgjigjet e tyre bien dakord për iniciativën e Partisë Demokratike.
“Politikanët duhet të jenë të parët që kalojnë në Veting”- shprehet një qytetare, “të gjithë duhet të kalojnë, nga i pari te i fundit” – vijon një tjetër qytetar.
Kujtojmë që Vettingu i politikanëve është nisma e re e kryedemokratit Lulzim Basha, i cili kërkon pastrim të atij që e konsideron si “llumi i tranzicionit”.
