Engjëll Hoti ka qenë një nga futbollistët më të suksesshëm sa i përket trofeve të fituara në vitet e fundit në futbollin shqiptar. Fantazisti u shpall kampion fillimisht me Tiranën e më pas ndërroi skuadër duke iu bashkuar Partizanit, me të cilin përsëri ia doli të mbyllte kampionatin në vendin e parë.
Gjatë verës, lojtari u largua nga të kuqtë për të nisur një aventurë të re në Poloni, ku iu bashkua skuadrës së LKD Lodz e cila katualisht lufton për mbijetesë në elitën e futbollit polak.
Hoti sot ishte protagonist për ekipin e tij duke i siguruar një pikë falë golit që shënoi në duelin kundër Ruç Çorzov. Në minutën e 32-të të ndeshjes, ai shënoi me një goditje të fortë nga jashtë zonës duke mposhtur portierin kundërshtar, për t’i dhënë avantazhin e përkohshëm skuadrës së tij.
Ndeshja u mbyll me rezultatin 1-1 dhe kjo nuk ndryshoi pozitën e Lodz në renditje, pasi ajo mbetet në vendin e fundit. Për Hotin ky ishte goli i dytë në 17 ndeshje të luajtura me fanellën e kësaj skuadre në kampionat.
SHIH VIDEON
Discussion about this post