Video, u gjetën të asfiksuar në Kavajë, 50-vjeçarja ishte larguar nga banesa, 60-vjeçari nuk u përgjigjej në telefon familjarëve

Bëhet fjalë për Mihal Jani dhe Anila Llulla, të cilët u gjetën pa shenja jete në katin e dytë të një pallati dhe pa shenja dhune në trup.

Mësohet se e ndjera Anila Llulla ishte larguar nga banesa më 25 nëntor, sipas kallëzimit të bërë nga djali i saj në Komisariatin nr.4 të Policisë. Ndërsa i biri i të ndjerit Mihal Janai ka marrë dje në telefon të atin, por ai nuk i përgjigjej.

I shqetësuar i biri ka shkuar pasdite te shtëpia dhe i ka rënë derës por pa e hapur dot. Ai kërkoi ndihmën e policisë dhe zjarrfikëses dhe në orën 17:45 shtëpia është hapur me forcë nga “blutë” dhe zjarrfikësja që i kanë gjetur të pajetë dy personat.

Sipas hetimeve paraprake ata janë asfiksuar nga gazi dhe kanë ndërruar jetë mbrëmë. Komshinjtë po ashtu bëjnë me dije se e kanë ndjerë erën e gazit në pallat.

Nga hetimet paraprake dyshohet se kanë humbur jetën një ditë më parë si pasojë e asfiksisë nga gazi.

Grupi hetimor nën drejtimin e Prokurorisë vijon punën për sqarimin e plotë të ngjarjes.