Vithkuq/ Automjeti del nga rruga, 2 gra përfundojnë në spital

Një aksident ka ndodhur pak më parë në Vithkuq, ku për pasojë janë plagosur dy gra të cilat kanë qenë pasagjere në automjet.

Grupi hetimor po punon për zbardhjen e rrethanave të aksidentit.

 Korçë/Informacion paraprak

Mbrëmjen e sotme, në afërsi të fshatit Vithkuq, Korçë, shtetasi M. H., duke drejtuar automjetin tip “Citroen”, dyshohet se ka humbur kontrollin mbi drejtimin e tij dhe automjeti ka dalë nga rruga.

Për pasojë janë dëmtuar shtetaset Z. H., 66 vjeçe dhe Y. H., 42 vjeçe, banuese në fshatin Panarit, pasagjere në këtë automjet, të cilat u dërguan për mjekim në spitalin e Korçës.

Me shtetasin M. H., po kryhen veprimet e mëtejshme procedurale.

Grupi hetimor po punon për zbardhjen e rrethanave të aksidentit.