Analisti Baton Haxhiu e konsideroi vizita e sotme të Sekretarit të Shtetit, Antony Blinken, në Tiranë, si një respekt dhe i dedikohet kryeministrit Edi Rama.
Në emisionin Opinion, Haxhiu tha se partneriteti Shqipëri-SHBA ka arritur kulmin këto dy vitet e fundit, që nga roli i vendit tonë në rajon e deri te ai në Këshillin e Sigurimit. Ai madje theksoi se “Shqipëria është i vetmi vend që nuk ia vështirëson punën Amerikës.”
Fakti që Blinken shmangu takimet me opozitën, Haxhiu e cilësoi si një lajm të keq për Lulzim Bashën.
“Për faktin që zotin Meta dhe zotin Basha, për faktin që të dy u ekskomunikuan tregon që zoti Lul Basha duhet të jetë i kujdesshëm se po e humb peshën e njeriut të opozitës. Për faktin që më nuk është në terren për t’u angazhuar për atë që është thirrur. Shmangia e Bashës është esencialisht lajmi më i keq i kësaj opozite për arsye se konsiderohet që opozita është e dëmtuar seriozisht me ambiciet e saj për pushtet”, tha Haxhiu.
Ndër të tjera shtoi se bashkë me Sali Berishën, edhe Ilir Meta ka probleme serioze me Departamentin Amerikan të Shtetit (DASH).
“Blinken nuk e takoi për arsye se gjithashtu, edhe Berisha edhe Meta kanë probleme serioze me Departamentin e Shtetit dhe kjo është evidente.
Nuk ndodh që një Sekretar Shteti përveçse rasti siç është ky që mos ta takojë opozitën për t’i dhënë kurajo që ta nxisë atë për një opozitarizëm dhe një pushtet në të ardhmen, nuk ekziston askund. Kjo është arsyeja se ky lajm është shqetësues për Lul Bashën, sidomos për dy pretenduesit e tjerë të rinj që kanë marrë qindra mijëra euro fonde për të krijuar një koncept konkurrues dhe opozitar brenda Shqipërisë”, tha Haxhiu.
-Cili ishte mesazhi i Blinkenit, duket se ishte hapur në mbështetje të Ramës. Rrallë një Sekretar Shteti ka qenë kaq i drejtëpërdrejtë në mbështetje të drejtuesit. Shmangu një takim me opozitën, e kuptueshme një pjesë për arsye të qëndrimit të DASH ndaj Berishës, por ndërkohë mund të kishte pasur takime të tjera me elementë të opozitës.
Baton Haxhiu: Patjetër! Po mundohem ta ndaj shpejt se çfarë mendoj që ka ndodhur. E para kjo vizitë është respekt për kryeministrin Rama, i dedikohet atij.
–Respekt?
Baton Haxhiu: Respekt. I dedikohet atij, i dedikohet Shqipërisë dhe natyrisht i dedikohet edhe kësaj marrëdhënieje, sidomos 2 vitet e fundit.
-Çfarë ka bërë Rama për kaq shumë respekt?
Baton Haxhiu: Megjithatë, sa vështirë SHBA-të kanë të gjejnë një partner. Për shkak se është perandori, krijon armiqësi…
-Partnerë këtu në Ballkan po thua?
Baton Haxhiu: Jo, jo gjithandej! Krijon armiqësi rrugës të cilat më pas shfaqen nëpër regjione dhe ndërhyjnë, natyrisht për faktin se është superfuqi rregullon probleme, por dikush edhe duhet të jetë hidhëruar. Ballkani është një regjion me këto problematika, se dikush është dash të bombardohet, e dikush është dash ta fitojë lirinë prej SHBA-ve. Ky është një aspekt. Respekti këtu është se edhe gjatë muajit Dhjetor e Janar, kryeministri shqiptar është dasht të jetë në Shtëpinë e Bardhë…
-Kur duhet të ishte kryeministri?!
Baton Haxhiu: Në Dhjetor, duhet të ishte takimi i Presidentin Biden me kryeministrin e Shqipërisë, Malit të Zi dhe Maqedonisë, por ishte konflikti në Gaza dhe nuk ndodhi kjo. Edhe në Janar pati ndryshime serioze në Maqedoni dhe dy kryeministra shqiptarë ishte pak problem që të futeshin në Shtëpinë e Bardhë. Kryeministri i Malit të Zi i cili realisht ka finesa, në njëfarë mënyrë është në shtratin e zotit Vuçiç. Gjithë kjo marrëdhënie që është ndërtuar, sidomos Këshilli i Sigurimit. Ky partneritet e ka mbërritur kulmin gjatë kësaj kohe. Shqipëria është i vetmi vend që nuk ka probleme që realisht ia vështirësojnë punën Shteteve të Bashkuara./tvklan.al
Discussion about this post