Kreu i Partisë së Lirisë, Ilir Meta, ka reaguar lidhur me vizitën e Sekretarit amerikan të Shtetit, Antony Blinken, në Shqipëri. Meta ka zgjedhur që mesazhin e tij ta shoqërojë me një foto nga takimi që Blinken pati me Presidentin Bajram Begaj.
“Për Shqipërinë, aleanca strategjike me SHBA është themelore për demokracinë, shtetin ligjor, zhvillimin ekonomik, sigurinë e vendit, si dhe garanci jetike për paqen dhe stabilitetin në rajonin tonë.
Marrëdhëniet tona meritojnë të zhvillohen më tej, ndërsa së bashku forcojmë bashkëpunimin transatlantik dhe në NATO”, shkruan Meta në rrjetet sociale.
Discussion about this post