Pamjet e grabitjes së armatosur që ndodhi në Kamëz ditën e shtunë në një argjendari janë publikuar. Siç shihet edhe në pamje, autorët kanë hyrë me vrull në ambientet e biznesit dhe kanë thyer me armët që mbanin në dorë xhamat pas të cilëve ndodheshin bizhuteritë. Më pas ata janë larguar me shpejtësi me një motor, ndërsa policia i ka shpallur në kërkim.
Konkretisht ngjarja ka ndodhur rreth orës 13:00, kur autorët hynë në argjendarinë në pronësi të shtetasit O.L. dhe morën një sasi bizhuterish dhe më pas ata u larguan me motor.
Nga hetimet paraprake rezulton se grabitësit lëvizën drejt zonës së Zall Herrit. Kamerat e sigurisë kanë filmuar gjithashtu itinerarin e tyre, ndërsa në një moment autorët janë rrëzuar me motor, por kanë arritur të largohen sërish. Ndërkohë, vlera e bizhuterive të vjedhura arrin rreth 700 mijë lekë.
Discussion about this post