Ditwn e sotme, gati dy muaj pas vrasjes së Klaudio Prendit në rrugën “Xhanfize Keko” në Tiranë, policia ka shoqëruar të tjerë persona për t’i marrë në pyetje në lidhje me hetimet për zbardhjen e ngjarjes.
Burime thonë se dyshimet janë se në mesin e këtyre shoqërimeve janë persona që mund të jenë autorë dhe porositës, këta të fundit me pagesë.
Prendi u ekzekutua me pistoletë me silenciatior pak pasi kaloi mesnata e 18 nëntorit duke hyrë 19 nëntori 2024 sapo hipi në makinën e tij pranë Xhamllikut në Tiranë, ndërsa më herët kishte qenë në lokal në shoqërinë e miqve të tij, përfshirë disa efektivë policie.
Sherri për borxhet nga llotot sportive vijon të jetë pista kryesore e hetimit, pasi me grupin tjetër Prendi ka pasur 2 konflikte të forta brenda vitit, i fundit rreth 1 muaj para ngjarjes së rëndë.
Targa greke që u përdor në makinën e autorëve rezulton e vjedhur në Greqi dhe për këtë janë kontaktuar autoritetet atje, por deri tani nuk ka një kthim përgjigje.
Discussion about this post