Anna dhe Marc u takuan në Tajlandë gjatë një udhëtimi rreth botës. Ata bashkuan të ardhurat më pas për udhëtimet e tyre.
The Sun shkruan se Anna u shpall e vdekur pasi Schatzle thirri mjekët në dhomën 501 të hotelit luksoz La Palma Au Lac në Muralto, Zvicër, në Prill 2019. I akuzuari tha në gjykatë se i pëlqente ‘loja me mbytje’ gjatë seksit.
“Ne bëmë seks në dyshemenë e banjës. I vura një peshqir dore rreth qafës së Anës. Pastaj e shtyva me duart e mia, siç kishim bërë njëqind herë më parë. Papritur ajo ndaloi së lëvizuri, gjuha e saj po i dilte jashtë. Unë u përpoqa ta ringjallja”, tha Schatzle.
Prokurorët e refuzuan pretendimin e tij dhe besojnë se ai e vrau të renë për shkak se ajo kishte rreth 25,000 paund në llogarinë e saj. Në trupin e 22-vjeçares u gjetën shenja dhune, si dhe u zbulua që të rinjtë kishin pirë alkool dhe kokainë natën e vrasjes.
Ajo kishte kërcënuar Schatzle më pas se do të ndërpriste financimin pasi kishte mësuar se ai kishte grumbulluar 40,000 paund borxhe për pije, drogë dhe pajisje palestre. Karta bankare e saj u gjet e fshehur në një pajisje peshëngritje katër muaj pas vdekjes, për të cilën 32-vjeçari u shpreh se ishte vendosur aty në formë shakaje për Annan.
Sipas të dhënave të gjykatës, Anna shpenzonte rreth 3000 paund në muaj, por shpenzimet u rritën ndjeshëm pas takimit të saj me Schatzle. Ai mohon të ketë kryer vrasjen dhe vjedhjen e parave, ndërkohë që gjyqi vazhdon.
