Prej shumë kohësh vuajnë për ujë të pijshëm, prandaj ditën e sotme Banorët e njësisë administrative Postribë në Shkodër, kanë dalë në një protestë. Ata kanë paralajmëruar që nëse nuk do merreshin parasysh kërkesat e tyre do të vazhdojnë me protesta. Banorët kërkojnë që Ujësjellësi në Shkodër të gjejë një zgjidhje për problemin e tyre dhe kanë paralajmëruar se nëse nuk do të merreshin masa, atëherë do të përshkallëzoheshin protestat e tyre deri në greva.
Sipas tyre, uji është aq i ndotur saqë jo vetëm që nuk mund të konsumohet por as nuk mund të përdoret për t’u larë apo për qëllime të tjera sanitare. “E blejmë me lekë, ky nuk bën as me u la, I prish edhe lavatriçet e të gjitha nëse e përdor diku. Na shkakton edhe sëmundje. Kërkesa jonë është të kemi ujë të pastër. Drejtoria nuk ka shpenzime të mëdha në këtë zonë se 4 apo 5 punëtorë paguhen këtu. Plus që këtu ka burime uji plot, të paktën të vendoset ndonjë filtër apo diçka”, tha një banorë. Ndërsa një tjetër tregon se para dy vitesh kanë patur një bisedë me ministrinë për këtë çështje dhe si gjithmonë qeveria i përcjellë me premtime boshe.
Discussion about this post