Prej dy javësh banorët e Postribës në Shkodër vazhdojnë protestat për mungesën e ujit të pijshëm. Edhe ditën e sotme ata kanë dalë të protestojnë, ndërsa shprehen shumë të revoltuar për faktin që qeveria nuk ka dëgjuar ankesën e tyre dhe nuk ka marrë asnjë masë.
Banorët po protestojnë sot përpara godinës së Ujësjellës – Kanalizimeve. Ata shprehen se uji u vjen i ndotur çdo ditë në çezmat e shtëpive, duke përbërë një rrezik të lartë për sëmundje për ta dhe fëmijët e tyre. Kjo nuk është hera e parë që ata dalin në protestë për ujin e pijshëm, por edhe para dy javësh kanë protestuar, duke paralajmëruar se situata do të agravohet nëse nuk gjendet në zgjidhje.
Banorët kërkojnë që Ujësjellësi në Shkodër të gjejë një zgjidhje për problemin e tyre dhe kanë paralajmëruar se nëse nuk do të merreshin masa, atëherë do të përshkallëzoheshin protestat e tyre deri në greva. Sipas tyre, uji është aq i ndotur saqë jo vetëm që nuk mund të konsumohet por as nuk mund të përdoret për t’u larë apo për qëllime të tjera sanitare.
Discussion about this post