Presidenti serb Aleksander Vuçiç i është përgjigjur presidentes së Kosovës, Vjosa Osmani, e cila ka kritikuar qasjen e Serbisë në konferencën e Lëvizjes së Shteteve të Painkuadruara. Përmes një deklarate për mediat ai tha se, Osmani e ka shfrytëzuar konferencën për ta minuar shtetësinë e Kosovës me propagandë.
Ai u shpreh se Serbia nuk e ka shfrytëzuar konferencën për propagandë por për promovimin e Serbisë dhe Beogradit, ndërsa Kosova në çdo moment kërkon të dëmtojë Serbinë.
“Ata mendojnë se politika është për ta sulmuar Serbinë çdo ditë. Ata më kujtojnë dikë. Ata mendojnë se e kanë përfunduar punën politikisht me deklarata të forta dhe se e kanë zgjidhur problemin. Falënderoni ata nëse mendojnë kështu.
Ne nuk bëjmë hile, nëse dikush e bënë këtë janë ata, ne nuk e kemi shfrytëzuar samitin për kampanjë brutale por për promovimin e Serbisë dhe Beogradit”, ka thënë Vuçiç.
Sakaq, ai bëri thirrje që Kosova të mos përdorë situata të tilla për çështje të dy vendeve.
