Policia ka dhënë më shumë detaje rreth atentatit që tronditi vendin sot në Fushë-Krujë. Sipas të dhënave Besmir Hoxha dhe Brilant Martini janë dy viktima të tjera të atentatit në Fushë-Krujë, ndërsa më parë u zbulua viktima që ishte jashtë makinës i quajtur Diklen Vata 30-vjeç. Zjarrfikëset mbërritën me shumë vonesë në vendngjarje dhe si pasojë dy viktimat janë shkrumbuar bashkë me automjetin.
Trupat e pajetë të shoferit dhe të pasagjerit, konkretisht Besmir Hoxha dhe Brilant Martini në vendin e parë janë shkrumbuar për shkak se makina ka shpërthyer në flakë pasi është qëllua me mbi 60 plumba. Pasagjeri, Diklen Vata, që ndodhej në sediljen e pasme ka arritur t’i shpëtojë plumbave dhe ka dalë nga makina, por autorët që kishin zënë pritë në këtë aks, e kanë vënë re dhe janë kthyer duke e qëlluar për vdekje. Nga ku vaka ka humbur jetën në vend.
Discussion about this post