Ditën e nesërme pritet të mblidhet Kryesia e Partisë Demokratike, ku do të vendosen modalitetet për mbajtjen e zgjedhjeve për kryetarin në datën 29 Korrik.
Pavarësisht pretendimeve nga ana e sekretarit të përgjithshëm Gazment Bardhi, që zgjedhjet për kryetarin të mos mbahen pa u kaluar vendimi në Këshillin Kombëtar, me iniciativën e disa prej anëtarëve, Kryesia do të mblidhet gjatë ditës së nesërme.
Njoftim për mbledhjen e Kryesisë së Partisë Demokratike:
Te nderuar Anëtarë të Kryesisë. Në mbështetje dhe zbatim të nenit 45, pika 4, fjalia e parë, të Statutit të Partisë Demokratike të Shqipërisë, me kërkesë të 1/5 (një të pestës) së anëtarëve të Kryesisë së Partisë, njoftojmë mbledhjen e Kryesisë me rend dite si vijon:
1- Miratimin e grupeve të punës për mbikqyrjen e procesit të evidentimit të listave të anëtarësisë në Degët e PDSh;
2- Miratimin e rregullores së brendshme “Mbi modalitetet e procesit zgjedhor për Kryetar të Partisë Demokratike”;
3- Plotësimin e vakancave dhe emërimin e anëtarëve të Komisionit Zgjedhor;
Mbledhja e Kryesisë do të zhvillohet ditën e Enjte, datë 15 qershor 2023, ora 17:00 në Sallën e Mbledhjeve të Selisë së Partisë Demoraktike në rrugën Donika Kastrioti, Tiranë.
Anëtarët Kërkues:
Taulant Zeneli
Endri Hasa
Gazmend Koduzi
Taulanda Jupi
Kreshnik Çollaku
Xhemal Gjunkshi
Gentian Gaba
Discussion about this post