Kryetari i Grupit Parlamentar të Partisë Socialiste, Taulant Balla do të takohet sot me kryetarin e grupit të Aleancës për Ndryshim Fatmir Mediu në kuadër të procesit të konsultimeve për zgjedhjen e presidentit të republikës së Shqipërisë.
Takimi do të mbahet në orën 16:00 në kryesinë e Kuvendit. Sot Partia Socialiste kishte thirrur në takim të gjithë kryetarët e grupeve parlamentare, por PD shtyu mbledhjen e saj për paraditen e nesërme.
Kjo në shenjë solidariteti me deputetin Luçiano Boçi i cili humbi babanë një ditë më parë ndërsa përcjellja e tij për në banesën e fundit do të bëhet pikërisht në orën 16:00.
Partia Demokratike nuk është shprehur ende për çështjen e presidentit. Kreu i grupit parlamentar Enkelejd Alibeaj njoftoi dje se do të dalin me një qëndrim të përbashkët në përfundim të mbledhjes së grupit.
Discussion about this post