Deputetja e Partisë Demokratike, Ina Zhupa ka zhvilluar një takim me qytetarët e bizneseve të vogla në Sarandë, ku ka diskutuar për situatën ekonomike që po kalon vendi.
“Me qytetarët dhe bizneset e vogla në Sarandë për situatën ekonomike që po kalon vendi dhe për të shpjeguar disa propozime të PD që i vijnë në ndihmë atyre. Një tregtare më tregon që ka kohë që nuk i vjen dikush të blej me lek letër por vetëm qindarka që mezi i mbledhin”, shprehet Zhupa.
Zhupa shkruan “Facebook”, se ka çuar në Kuvend një iniciativë ligjore për propozimin e uljes së TVSH-së, për produktet ushqimore të shportës, nga 20 % në 6 %.
Sipas deputetes së PD, kjo nismë do i vijë në ndihmë qytetarëve dhe bizneseve që janë në prag falimentimi.
