Ish-trajneri i Real Madridit, Zinedine Zidane është një tjetër opsion për trajner të ekipit anglez, militues në Premier League, Tottenham Hotspur.
“Spurs” janë në kërkim të trajnerit të ri pas largimit të Antonio Conte-s.
Mediumi italian “Sky Italia” raporton se trajnerët Mauricio Pochettino, Julian Nagelsmann dhe Luis Enrique janë në listën e ngushtë të Tottenham.
Por, kësaj treshe tashmë i është bashkuar edhe Zidane, i cili është i gatshëm t’i kthehet profesionit të trajnerit.
Të katër trajnerët aktualisht janë të pa punë. Nagelsmann është i fundit që është shkarkuar pasi Bayern Munich e zëvendësoi atë me Thomas Tuchel.
Për momentin, Pochettino, konsiderohet favorit pasi më parë ka drejtuar skuadrën angleze.
Discussion about this post