Po shkon drejt zbardhjes ngjarja që ndodhi mbrëmë në Kamëz, ku komisariati u përfshi nga flakët dhe si pasojë humbi jetën një i ri në paraburgim. Grupi i hetuesve nga hetimet paraprake ka dalë në konkluzionin se zjarri i mbrëmjes së djeshme në komisariatin nr 5 në Kamëz ka qenë i qëllimshëm. Sipas informacioneve hetuesit kanë dalë në konkluzionin se burimi i zjarrit është në katin minus, të komisariatit nr.5, aty ku ndodhen edhe dhomat e paraburgimit të të shoqëruarve, pikërisht në dhomën e viktimës, Arben Micit, dhe 61-vjeçarit, Dilaver Idrizi. Dyhsohet se dy të arrestuarit kishin bërë plan për t’u arratisur nga komisariati numër 5 në Kamëz. Dy të ndaluarit i kanë vënë flakën me çakmak rrobave për të krijuar kaos e në këtë mënyrë mund të arratiseshin. Plani është krijuar mes Micit dhe Idrizit mirëpo nuk rezultoi ashtu siç ata mendonin
Ndërkohë që nuk ka një version zyrtar se kush nga dy të ndaluarit ka ndezur zjarrin, viktima apo autori. Të dy këta persona njiheshin si problematikë në zonë. Mici ishte arrestuar disa herë për akuzën e dhunës në familje, pasi e dhunonte sistematikisht nënën e tij. Ndërsa Dilaver Idrizi akuzohet për vrasje. Ai dyshohet se pasi e ka dhunuar bashkëjetuesen e tij e ka shtyrë nga ballkoni i katit të tretë dhe duke e paraqitur ngjarjen si aksidentale. Por më pas në bazë të hetimeve prokuroria doli në përfundim se 62-vjeçari kishte ushtruar dhunë ndaj bashkëjetueses dhe e ka hedhur nga ballkoni.
Ndërkohë përveç grupit të ekspertëve të kriminalistikës dhe grupit të ekspertëve te zjarrfikësve vijojnë punën për zbardhjen e plotë të kësaj ngjarje të rëndë, hetimet kanë nisur edhe nga AMT. Burime bëjnë me dije janë marrë në pyetje disa policë të komisariatit nr 5, për procedurat dhe standardet që janë ndjekur ndaj dy të ndaluarve, dhe nëse është mbajtur apo jo një protokoll i rregullt nga ana e tyre.
Pistat ku janë përqendruar hetimet janë shtrirë në disa drejtime, ku përveç vënies së zjarrit për vetëflijim, një tjetër pistë kryesore është edhe ajo e tentativës së arratisjes nga dy të ndaluarit pasi ditën e djeshme ata u lanë ne burg nga gjykata për veprat që ishin ndaluar. Ndërkohë për hetuesit dëshmia e efektivit Hajredin Boja do jetë kyçe për zbardhjen e kësaj ngjarjeje të rëndë. Hetuesve u erdhi në ndihmë vajza e viktimës e cila ka dëshmuar se Idrizi e dhunonte shpesh mamanë e saj. Çifti kishin konflikte të vazhdueshme pasi 62-vjeçari ishte xheloz
Discussion about this post