Mikel Arteta ka rinovuar zyrtare me Arsenalin. “Jam i emocionuar, falënderues dhe shumë shumë i lumtur sot”, tha mes të tjerash trajneri spanjoll i “Topçinjve”.
Arsenali ka njoftuar se Arteta ka rinovuar kontratën deri në fundin e sezonit 2024-2025. Londinezët nuk e nisë në nivelin që pritej, por më pas arritën të reagonin dhe tashmë po luftojnë për një vend në Champions League.
Aktualisht Arsenali ndodhet në vendin e katërt, me dy pikë më shumë se Tottenhami i Antonio Contes.
Edhe me katër finale të fundit për t’u luajtur deri në përfundimin e sezonit, londinezët kanë shansin e artë për t’u rikthyer në Champions, ndërsa puna e Arteta është vlerësuar duke sjellë edhe konfirmimin e tij në krye të stolit.
Discussion about this post