Personat që janë gjobitur për mosmbajtje të maskës në rrugë pas tetorit 2020, mos u habisni kur ta shihni gjobën të shtuar në faturën e energjisë elektrike një vit më pas. Maska nuk është e detyrueshme që prej majit të këtij viti në ambientet e jashtme, por policia bashkiake dhe ajo e shtetit kanë dërguan në OSHEE për vjelje rreth 105 mijë gjoba.
Rreth 60 mijë prej tyre janë kthyer mbrapsht si të pasakta për mungesë të dhënash, kryesisht për shkak të mungesës së një kontrate me OSHEE apo ID e pasaktë. 40 mijë gjoba ishin deri në korrik kishte në proces OSHEE, 8 mijë i janë dërguar drejtorisë së sistemit të faturimit dhe vetëm 1300 ishin arkëtuar. Gjobat nisën të vendoseshin që prej marsit 2020, kur shpall dhe gjendja e emergjencës.
Që prej asaj periudhe policia e shtetit 109.603 gjoba u vunë për të “pabindurit” që nuk vendosnin maskat, hapnin lokalet, dilnin përtej orës policore, përdornin muzikën apo grumbulloheshin përtej numrit të lejuar. Por një pjesë e tyre u falën 2 herë nga kryeministri Edi Rama në prill dhe tetor të vitit të shkuar.
