14 persona kanë humbur jetën nga Covid-19 në Kosovë gjatë 24 orëve të fundit. Ministria e Shëndetësisë në Kosovë, sipas të dhënave nga Instituti Kombëtar i Shëndetësisë Publike, ka njoftuar se nga 9 634 testime, 583 qytetarë kanë rezultuar pozitiv me virusin Covid-19.
Gjithashtu, janë shëruar 1.934 qytetarë, ndërsa numri i përgjithshëm i të shëruarve është 135 258. Në total numri i rasteve aktive është 18.548.
Gjatë ditëve të fundit, Kosova ka shënuar shifrat të larta infektimi me Covid, ku vetëm ditën e djeshme 685 qytetarë janë infektuar nga virusi, ndërsa janë shënuar 30 humbje jete. Ditën e premte qeveria e Kosovës njoftoi gjithashtu se është vendosur që të shtyhet viti i ri shkollor për më 26 shtator, ndërsa fillimisht ishte paralajmëruar për më 13 shtator.
