Dejan Kulusevski është duke kërkuar për një skuadër ku të transferohet, pasi dëshiron që të largohet nga Juventus.
Shkak i një vendimi të tillë nga ana e sulmuesit suedez është bërë trajneri Massimiliano Allegri. Pas kampionatit 2020-2021, ku u shfaq si një element shumë premtues te ‘Zonja e Vjetër’, 21-vjeçari duket se e ka humbur rëndësi në klubin ku luan.
Kulusevski është lënë në stol nga Allegri dhe është futur në fushë vetëm si zëvendësues. Gjendur në një situatë të tillë suedezi është duke parë për mundësitë që ka përpara, me Fiorentinës, Atalantën dhe Tottenham që do donin të firmosnin me të.
Vlera e lojtarit aktualisht është 35 milionë euro dhe nuk dihet nëse ndonjë prej këtyre klubeve do të shpenzojnë një shifër të tillë për 21-vjeçarin në janar./K.T/Gijotina.com
Discussion about this post